HEROINAEstamos nos anos oitenta. Pilar, unha muller en torno aos corenta, de clase media, casada e con tres fillos, pasa dunha existencia absolutamente normal a ter que se enfrontar co maior problema da súa vida: un dos seus fillos é adicto á heroína.
Tras a culpa e a vergoña, despois de ver a seu fillo converterse en delincuente e a vida familiar deteriorarse sen remedio, Pilar decide facer algo máis que lamentarse e emprende xunto con outros pais unha ardua viaxe de denuncia do narcotráfico en Galicia e da impunidade dos traficantes.
HEROÍNA é a historia da loita deste fato de pais e nais contra o poder político, contra o poder económico e contra gran parte da sociedade, para mostrar que os toxicómanos son víctimas.
A isto sumarase o drama individual de Pilar co seu fillo Fito, cuxa mocidade vaise soterrando en prisións das que se sae peor do que se entra, rexidas por un sistema de xustiza incapaz de comprender que estes novos presos son máis enfermos que delincuentes. A relación entre Pilar e Fito é tempestuosa e contradictoria como a loita dos dous por sobrevivir.
HEROÍNA narra o enfrontamento dunha muller pouco corrente contra o poder e a sociedade, a loita dunha nai excepcional que logra cambiar a mentalidade do seu tempo respecto aos drogadictos e ao narcotráfico; e trata especialmente do que significa todo isto dentro dunha familia.
No hay comentarios:
Publicar un comentario